Kanal yoki guruhingizni botga ulaysiz va hammasini bir joydan boshqarasiz.

Eng oson yo'l: «Kanal qo'shish» → «⚡ Kanalni tanlash». Telegram ochiladi, kanalingizni tanlaysiz va «Administrator qilish» ni tasdiqlaysiz — kerakli huquqlar o'zi belgilanadi, bot o'zi ulanadi.

Keyin: har bir kanal uchun avtomatik xabarlarni belgilaysiz. Kanal kartasida «Kanal imzosi», post tagidagi tugmalar («Do'stga ulashish», «💝 Qo'llab-quvvatlash»), ta'til rejimi va «Sayt yoki YouTube'dan avtomatik post» bor.

Muammo bo'lsa: bosh sahifada qizil ogohlantirish va «🔧 Tuzatish» tugmasi chiqadi, «Kanallarim» katagida qizil raqam turadi.

Kanal va guruhingiz qanday o'sayotganini ko'rsatadi.

Ko'rasiz: hozirgi obunachi/a'zolar soni, kecha, 7 va 30 kundagi o'zgarish, oxirgi 14 kunlik grafik. Guruhda xabarlar soni ham chiqadi.

Qo'shimcha: «Excel (CSV) yuklab olish» tugmasi bilan hisobotni faylga olasiz. Kirdi-chiqdi bot administrator bo'lgandan keyin hisoblana boshlaydi.

Postni oldindan tayyorlab, kerakli vaqtga qo'yasiz — bot o'zi chiqaradi. Bir marta, har kuni yoki har hafta takrorlash mumkin.

Muharrir: qalin, kursiv, havola, yashirin matn, iqtibos tugmalari va emoji paneli. Post Telegram'da qanday ko'rinishi pastda darhol ko'rinadi. Yozilgan matn qoralama sifatida saqlanadi.

Qulaylik: avval ishlatilgan rasm/videolarni bir bosishda tanlash, eski postni «📋 Nusxa» bilan qayta ishlatish, «🧪 Menga yuborish» bilan sinash, avto-o'chirish, kalendar.

Har kuni ertalab (soat 04:30 da) kanal va guruhingizga video va matn bilan xabar yuboriladi. Matnda kun, sana va hijriy sana avtomatik yoziladi.

Sozlash: haftaning qaysi kunlari yuborilishini o'zingiz tanlaysiz (masalan, faqat ish kunlari).

Har Juma va bayram kunlari belgilangan vaqtda kanal va guruhlaringizga video tabrik tagida matn bilan yuboriladi.

Siz nima qilasiz? hech narsa, faqat kanalingiz ulangan bo'lsin. Tabriklar ro'yxati va keyingi sanalar sahifada ko'rinadi; «Namuna» tugmasi bilan qanday ko'rinishini oldindan ko'rasiz.

Kanal yoki guruhda sovg'a o'yini (giveaway) o'tkazasiz.

Qanday? qayerda e'lon qilinishini, g'oliblar sonini va tugash vaqtini tanlaysiz, ixtiyoriy ravishda obuna sharti (qaysi kanalga a'zo bo'lish kerak) qo'yasiz. Post tugma bilan chiqadi.

Adolatlimi? ha: vaqt tugaganda g'oliblar tasodifiy tanlanadi, obunadan chiqib ketganlar hisobga olinmaydi. Natija avtomatik e'lon qilinadi.

Yopiq kanalingizga pullik obuna sotasiz.

Paketlar: 1, 3, 6 va 12 oylik obuna. Ko'p oyga chegirma foizini o'zingiz belgilaysiz (masalan, 12 oy −30%).

Bepul sinov: 1–7 kunlik sinov yoqsangiz, har bir obunachi bir marta bepul kirib ko'radi.

Qanday ishlaydi? obunachi balansidan to'laydi, pul sizning balansingizga tushadi (xizmat haqi ayrilib). Kirish havolasi botga keladi, muddat tugashiga 3 kun qolganda eslatma boradi, tugaganda bot o'zi chiqaradi.

Muhim: botga «Taklif havolasi» va «Bloklash» huquqlarini bering.

Kanallar orasida reklama savdosi.

Sotuvchi bo'lsangiz: narx va format (1/24, 2/48 yoki doimiy) belgilaysiz. Buyurtma kelganda «Joylash» ni bosasiz.

🛡 Pul kafolati: xaridor to'lagan pul darhol sotuvchiga o'tmaydi — reklama belgilangan vaqt (24 yoki 48 soat) turgandan keyin o'zi tushadi. Reklama o'chirilsa yoki kelishilgandek bo'lmasa, xaridor «⚠️ Nizo ochish» ni bosadi va admin qaror qiladi (sotuvchiga to'lash yoki xaridorga qaytarish).

Xaridor bo'lsangiz: reklamani to'g'ridan-to'g'ri kanal egasidan olasiz; ✅ belgili kanallar TartibOn tomonidan tekshirilgan.

Kanal egalari bir-birini topib, o'zaro reklama kelishadigan katalog.

Qanday? kanalingizni kategoriya bilan katalogga qo'shasiz, boshqalar sizga taklif yuboradi. Siz ham katalogdan mos kanalni qidirib, taklif yuborasiz.

Oxirgi 7 kunda eng tez o'sgan kanallar TOP-10 (har kuni yangilanadi).

Kanalimni ko'tarish: pullik xizmat — kanalingiz 7 kun «⭐ Tavsiya etiladi» qatorida, eng tepada turadi. Narxini admin belgilaydi.

Uchta alohida katak: Telegram kanal/guruh, Instagram sahifa va YouTube kanal savdosi.

Telegram: raqamlar TartibOn statistikasidan olinadi, soxta emas. Kanalingizni shu sahifaning o'zida «➕ Kanalimni sotuvga qo'yish» orqali qo'yasiz.

Instagram va YouTube: «➕ Mening e'lonlarim» da username, obunachilar, mavzu, narx va tavsifni yozasiz (YouTube uchun monetizatsiya belgisi bor). Bu ma'lumotlarni sotuvchi kiritadi, admin tekshirganlari ✅ belgili bo'ladi.

Xavfsiz savdo: «🛡 Vositachi» — pul admin orqali o'tadi, akkaunt topshirilgach sotuvchiga beriladi (vositachilik haqi bor).

Kanalingizning har yangi postiga «💝 Qo'llab-quvvatlash» tugmasi qo'shiladi.

Qanday ishlaydi? obunachi tugmani bosadi, summani tanlaydi va o'z balansidan o'tkazadi. Pul sizning balansingizga tushadi (kichik xizmat haqi ayriladi).

Yoqish: «Kanallarim» → kanal kartasi → «Post tagidagi doimiy tugmalar» → «💝 Qo'llab-quvvatlash». Jami tushum shu yerda ko'rinadi.

Guruhlaringizni ulash va sozlash.

Qanday? «Guruh qo'shish» → @username yoki ID. Botni guruhga administrator qiling. Keyin avtomatik xabarlar, himoya va testlarni yoqasiz.

Bot guruhni toza va xavfsiz saqlaydi. Guruh adminlarining xabarlariga tegilmaydi. Guruhda /himoya yozsangiz, vazifalar ro'yxati chiqadi.

Nimalardan himoya qiladi: reklama va havolalar, so'kinish, spam (tez-tez bir xil xabar), arab botlar va arabcha reklama, zararli fayllar (.apk, .exe), «qo'shildi/chiqib ketdi» xabarlari. Sun'iy intellekt ulangan bo'lsa — noo'rin rasm va yashirin reklama ham.

Yangi a'zolar uchun: 24 soat cheklov (havola va fayl yubora olmaydi), kapcha («Men odamman» tugmasi), kirishda test savoli, salomlashish.

Qo'shimcha: avto-ogohlantirish, tungi rejim (faqat adminlar yozadi), haftalik TOP-10 faol a'zolar, reputatsiya, Juma sukuti. Har bir qoidani alohida yoqib-o'chirasiz.

Muhim: botga «Xabarlarni o'chirish» va «Foydalanuvchilarni bloklash» huquqlarini bering.

Har bir a'zo shaxsiy havola oladi; havola orqali kirgan odamlar unga hisoblanadi.

Nima uchun? eng ko'p odam taklif qilganlar reytingda (TOP) ko'rinadi — guruhni o'stirishning oson yo'li. Botga «Havola orqali taklif qilish» huquqini bering.

Guruh va kanalda 4 variantli (A, B, C, D) viktorina o'tkazasiz.

Test turi: Savol-javob (maktab, litsey, kollej, oliy ta'lim, sertifikat imtihonlari mavzulari) yoki Prava testi (YHQ bo'yicha, rasmli savollar bilan). Prava uchun mavzuni ham tanlaysiz.

Qanday ishlaydi? «Avtomatik test» yoqilsa, bot belgilangan oraliqda o'zi savol beradi; yoki «📨 Hozir savol» tugmasi. To'g'ri javob uchun ochko, tezroq javobga ko'proq. Oxirida TOP-10 e'lon qilinadi, reyting umumiy.

Guruhda: /prava yoki /viktorina yozsangiz, savol chiqadi (har 2 daqiqada bir marta). Kanalda so'rovlar anonim bo'lgani uchun ochko hisoblanmaydi.

Har bir namoz vaqtidan 30 daqiqa keyin kanal va guruhingizga namoz vaqti xabari yuboriladi.

Sozlash: hududni tanlaysiz (viloyat va shaharlar), xabar matnini o'zgartira olasiz. Vaqtlar islom.uz taqvimi asosida; manba ishlamay qolsa, bot vaqtlarni o'zi hisoblab turadi.

Har kuni ertalab soat 06:00 da 12 viloyat ob-havosi kanal va guruhingizga yuboriladi. Bosh sahifadagi katakda kalitni yoqsangiz, hamma ulangan chatlarga birdaniga yoqiladi.

Mikrokreditbank, Turonbank va boshqa banklarning dollar uchun olish va sotish kurslari (bank saytlaridan avtomatik olinadi).

Avtomatik xabar: kurs o'zgarsa, kanal va guruhingizga rasmli xabar o'zi chiqadi (o'zgarish bo'lmasa takror yuborilmaydi). Bankdagi haqiqiy kurs biroz farq qilishi mumkin.

Haydovchilik guvohnomasi nazariy imtihoniga bepul tayyorgarlik.

Ichida: 1240 ta original savol (YHQ asosida), 62 ta bilet (har birida 20 savol), mavzular bo'yicha mashq, rasmli savollar (belgi, chiziq, svetofor, chorraha).

Imtihon: haqiqiy imtihondek — cheklangan vaqt va ruxsat etilgan xatolar soni (odatda 20 savol, 25 daqiqa, 2 tagacha xato).

Qulayliklar: «Xatolarim» — noto'g'ri javoblar ustida ishlash, «Saqlanganlar» — ⭐ bilan belgilagan savollar, tayyorgarlik foizi va oxirgi natijalar.

Saharlik va iftorlik vaqtlari. Tez kunda ishga tushadi.

Savolingiz, muammo yoki taklifingiz bo'lsa, shu katak orqali administratorga yozasiz (katak admin yoqqanda ko'rinadi).

Ilova ichidagi hisobingiz. To'lovlar (e'lon, pullik kanal, reklama) shu hisobdan o'tadi.

To'ldirish: kartaga pul o'tkazasiz, chekning rasmini yuklaysiz, admin tasdiqlagach summa balansingizga tushadi (eng kam 100 000, eng ko'p 3 000 000 so'm).

Yechish: summa va karta raqamini yozasiz (eng kam 50 000 so'm). Admin tasdiqlasa, summa balansingizdan yechiladi va kartangizga o'tkaziladi; rad etilsa, balans o'zgarmaydi.

Reklama birjasi va pullik kanal: tushgan pul (xizmat haqi ayrilgach) ham shu balansga tushadi.

Botning kanal, guruh yoki foydalanuvchilariga pullik e'lon yuborasiz.

Qanday? auditoriyani tanlaysiz, 16:9 rasm yuklaysiz va matn yozasiz. Narx balansdan olinadi, admin tasdiqlagach e'lon yuboriladi. Kanal va guruhlarga e'londa havola bo'lmaydi (havola faqat foydalanuvchilarga e'londa mumkin). Rad etilsa, pul balansga qaytariladi.

Bosh sahifadagi «Bot rivoji uchun hisob balansi» — botni rivojlantirishga o'tkazilgan umumiy summa. Kartani bossangiz o'tkazganlar ro'yxati chiqadi.

O'tkazish: «Balans» sahifasida «Bot rivoji uchun o'tkazish» (eng kam 25 000 so'm). Summa darhol balansingizdan yechiladi.